نوستالجيا الهية

اوقات اكتب فصحى واوقات اكتب عامية .. بس الاكيد اني اكتب عشان ارتاح ومهما كتبت ماعبرت ولا ١ بالمية .. على اللي في قلبي و على اللي راح او جرحي اللي عاش فيا .. انا ما انكر وجود اله وما انكر وجود اديان وبحاول أخبي صفا قلبي والنية .. دعيت ربي اكون مرتاح صحيح اداني حنية .. ودعيته بكل حب عشان الحب وقلبي ناح وزود روحي أسيه .. لمت ربي وخاصمتو احنا نمون .. وقلتلو مين ليا ؟ غير انت وصالحتو وشافي جرحي المكنون وانعش روحي الحيا … وكل ماسجد ادعيلو واقلو حبيبي مالي غيرك يارب الكون .. وتجيني ضيقة واجيلو .. يريحيني بامل كداب اعاني منو بكل عذاب .. عرفت الدنيا عبثية وانكرت الوجودية وقلتلو مين ليا! .. انت خلقت عقلي وقلبي وانت اللي كتبت حياتي كدا انت متحكم فيا … تحدد لوني واهلي وديني وعقلي وقلبي وبلدي قبل ماولد وتقول عندك حرية؟! … معقولة اخلق آلة واعبيها باكواد برمجية والومها لما تخطأ واجبرها على الدية .. تعبت وصلك وتعبت الروحة والجية .. تعبت أؤمن بدون منطق واعيش الدور بضحية .. بس انا احبك ممكن ارجعلك وارسلك برقية.. يمكن السعادة زي العطسة ويقولو عنها لحظية؟ .. ما اهتم لاني صرت ما اهتم يكفيني الذي فيا… رجعت الحب ديني وايماني .. تعبت وخليت العطف قرآني .. قلت أعيش واحبك وما اطلب منك حب عشان الشك أعياني … وعشان مازعل اذا شفتك تاركني باعاني .. تخلقلي الكربة وتخلقلي جسر ليها واقول عاقبني وحماني .. وانت اللي بتوقعني وتطلعني ووقت ماتحب تنساني .. خلاص يكفي ماجاني .. وزي ما شوف وهذي حروف وكل ماصار وكل شي جاي ترا فاني … خليني اليوم احس اني شوية اناني احب نفسي وبس نفسي وللسلبية ما اداني .. ابني حياة زي مابغا ومهما صار وما كاني .. ماني عبد اتبع حد ابني طريقي بيدي وبقلبي وبروحي وبأسناني … ولا اعتب ولا اشره على اللي خان ونساني .. انا اليوم شخص ثاني…